(geð)sveiflukóngurinn

fyrsta færsla ársins

2009-01-27T16:24:00.002Z

Og ekki seinna vænna. Maður er orðinn svo mikill facebook kall að bloggið er á hröðu undanhaldi. Árið hefur farið vel af stað hjá okkur í Múlasíðu og enginn bilbugur á okkur. Fyrir dyrum er handboltamót á Húsavík um næstu helgi og vorum við Steinar Logi einmitt að ljúka dósasöfnun í gærkvöldi í því samhengi. Síðan er búið að ákveða vetrarfrí í Reykavík síðustu vikuna í febrúar þar sem setfnaf er tekin á að halda ótrauð áfram við það sjálfsdekur sem við stunduðum um síðustu helgi í Hnjúkaseli. Þess á milli er vinna, skóli og almennt dægurþras blandað geðshræringu heillar þjóðar sem ég nenni engan vegin að vera að delera eitthvað um hér. Til þess eru nógir aðrir.
Á mússiggsviðinu er nóg að gerast. Ég er á fullu að æfa upp prógram með hljómsveit Rúnars Eff, gospelkórinn er að fara af stað aftur eftir jólafrí og Krossbandið er að spila á laugardagskvöldið á árshátíð Oddfellow. Síðan er ég bókaðrmeð Norðurbandalaginu á eitt ball í febrúar en veit í raun ekkert hvað það er.
Stóru fréttirnar eru hins vegar klárlega þær að miðvikudaginn 11. febrúar fer ég í permanent. Jebb ... Jóhanna vinkona okkar er að nema hárskurð og ég er búinn að safna hári fyrir hana síðan í nóvember og stóri dagurinn er sem sagt að renna upp. Gera má ráð fyrir að ég verði kominn með hefðbundna Stebba Gunn klippingu mjög skömmu síðar. Þó ekki fyrr en búið verður að mynda slysið :)

Gleðilegt nýtt ár

2009-01-01T01:48:00.001Z

Þakka allt, gott á árinu. Elsku farið varlega með stórhættulega flugeldana ...

Gleðileg Jól

2008-12-24T00:52:00.002Z

Öllum sem hingað rata óska ég gleðilegra Jóla og farsældar á komandi ári. Þakka ánægjuleg samskipti og samspil á árinu sem er að líða, en á árinu tók ég þátt í 5 verkefnum í stúdíói með Gunna Tryggva, Sigga Ingimars, Himun og Þessum og Rúnari Eff. og er búinn að koma fram 53 sinni það sem af er árinu. Vonandi að komandi ár verði manni eins gjöfult í skapandi og skemmtilegri samvinnu við gott fólk.
Stebbi.

Hvurt þó í ...

2008-10-18T19:47:00.000Z

Mikið þykir mér vanta upp á að ráðamenn tali við okkur almúgann eins og fólk. Væri ekki ráð að segja okkur frá því hvað er í farvatninu og tala svolítið um lausnir, í stað þess að klifa endlaust á veðurlýsingum með gerningaveður, segulstorma og fárviðrisbál eða vísa endalaust í úreltar sjósóknaraðferðir. Menn eru löngu hættir að leggjast á árar og ausa bátinn. Við viljum fá að vita hvernig staðan er. Hvað skulda bankarnir ? Hver er stefna ríkisins varðandi eignarhlut í bönkum ? Á að leggja Glitni niður ? Af hverju er Björgvin G ekki búinn að fella niður seðilgjöld eins og hann er búinn að staglast á lengi. Nú á hann bankana... Hvað ætla menn að gera varðandi verðbætur ef verðbolga fer endanlega úr böndunum.
Hvar er alþingi. Sýnið okkur nú samstöðu og gangið frá eftirlaunafrumvarpinu. Fólk allt í kring um ykkur er búið að missa sparnað sinn til efri áranna og lífeyrissjóðir þurfa að skerða lífeyrisgreiðslur. Maður gæti sprungið ! Það er enn verið að seilast lengra í því að skerða lífskjör hinna öldruðu. Fólksins sem lagði grunninn að Íslandi eins og það er í dag. Útrásin var blöff. Mennirnir sem stóðu að henni svikarar. Þeir sviku gefin loforð og ráðamenn þjóðarinnar stóðu hjá og gerðu ekkert í málinu. Af hverju má ekki draga menn til ábyrgðar ? Af hverju hafa eignir þessara manna ekki verið frystar á meðan verið er að rannsaka málið ? Hvernig stendur á því að það eru einmitt sömu mennirnir og sköpuðu útrásina og ákváðu að hundsa allar viðvaranir um offar sem nú eru að stoppa í götin. Hvenær verða menn vanhæfir á Íslandi ? Sú taug verður æ rammari inan í mér sem vill sjá blóð renna. Sjá menn dregna til ábyrgðar gerða sinna.
Síðan er þetta með Bretana. Það á náttúrulega að mæta þessum mönnum á öðru hundraðinu. Gordon Brown bjargaði pólitískum ferli sínum fyrir horn með því að hlutgera íslendinga. Við erum orsök alls slæms þessa dagana. Af hverju má ekki taka harða afstöðu gegn þessum hörðu orðum ? Össur átti eina svarið að mínu viti. Að sjálfsögðu viljum við ekki breskan her hingað til lands. Þeir líta á okkur sem hryðjuverkamenn og er ekki treystandi.
Það reynist manni erfitt að hugsa um þessa hluti án þess að reiðin blossi upp í manni. Það er erfitt að fókusera á eitthvað traust í framtíðinni þegar maður hugsa til þess að að svo stórum hluta eru enn sömu menn að stýra málum og komu okkur í þessa aðstöðu eða sátu hjá og gerðu ekkert á meðan óráðið stóð yfir.
Það sem ég horfi til er það að þrátt fyrir þetta allt er ekkert það hjá okkur hérna fyrir norðan. Við töpuðum einhverjum sparnaði en það er engin veikur, strákarnir pluma sig vel og lífið gengur sinn vanagang. VIð Ragna höldum vinnunni og þegar allt kemur til alls tókum við aldrei þátt í brjálæðinu.
Fjölskyldan er það eina sem skiptir einhverju raunverulegu máli
Svo hef ég líka tónlistina, sem er mér ótrúlega mikils virði. Ég er ákveðinn í að semja nokkur pönklög.

Blogglægðir

2008-10-11T16:54:00.000Z

Víst er um það að ég hef ekki bloggað sérlega mikið undanfarið. Nóg annað að gera svosem. Það er þó allt gott að norðan og krepputal með sínum segulstormum, gerningaveðrum, brimsköflum, utanaðkomandi áhrifum og misskilningi hefur ekki teljandi áhrif á okkur hér í Múlasíðunni enn sem komið er. Allnokkur spilamennska í pípunum og Steinar Logi á leið í samræmd próf. Úff hvað menn eru að verða fullorðnir. Kannski ég fullorðnist þá einhverntíman líka

Þrautin þyngri

2008-10-06T20:32:00.001Z

Nú gildir að herða að sér. Fiskibollur 3svar í viku ?

Farskjótar

2008-08-24T21:21:00.001Z

Tók þessa á símann líka. Þyrfti að eignast myndavél

Brúðkaup og Baugasel

2008-08-24T21:17:00.003Z

Eftir ansi hreint skemmtilegt brúðkaup þeirra Nonna og Láru í gær var ákveðið að drekka sunnudagskaffið úti undir berum himni, enda gott veður í dag. VIð rendum því inn að Baugaseli í Barkárdal og sameinuðum lautarferð, leiki og berjamó. smájeppakallarnir fengu eina bunu í ánni, svona bara til að allir væru glaðir ( enda óþarfi að vera að slíta brúnni )

Skemmtilegt að bregða sér af bæ og njóta náttúrunnar og alls ekki þörf á að fara langt til, á þessu dásamlega svæði.

Fuglasafn

2008-08-16T22:31:00.000Z

Ég hef aðeins verið að leggja hönd á plóginn við að koma safninu hans Geira heitins upp. Þetta er ábyggilega eitt flottasta náttúrugripasafn á norðurlöndum og því sérlega ánægjulegt að hafa fengið að vera með í að koma því upp. Opnunin er á morgum og ég tók þessar myndir á símann minn á föstudagskvöldið. Vonandi betri myndir annað kvöld.

Síðasti skammtur

2008-08-07T18:15:00.000Z

fleiri myndir

2008-08-07T18:13:00.000Z

Nokkrar svipmyndir úr Danmerkurferðinni

2008-08-07T18:09:00.000Z

Danmerkurferð... eða ...

2008-07-15T22:58:00.000Z

Jebb, þá er að líða að brottför og viti menn... Elmar Dagur náði að hlunka sér út af trampolíninu og handleggsbrotna. Það er því enn í óvissu hvort hann kemst með á föstudaginn eða hvort hann og Ragna þurfa að bíða fram yfir helgi með að koma út, en ákveðið hefur verið að hún verði eftir með honum en ég og Steinar Logi förum út með hópnum ef eitthvað kemur upp. Annars fór hann í aðgerð seint í gærkvöldi og vinstri hendin á honum sett saman aftur og virtist skoðun í morgun sýna að allt liti vel út. En bæklunarlæknir vildi þó ekki gefa grænt ljós fyrr en eftir myndatöku á fimmtudaginn. Elmar sýndi einstaka hetjulund þar sem við biðum frá hálf fimm til rúmlega tíu í gærkvöldi eftir að komast í aðgerð og fannst fínt að gista á barnadeildinni í nótt, fullt af vídeói og stjanað við hann á alla lund. Þökkum þessu góða fólki á spítalanum mikið vel fyrir okkur.

NIkulásarmót

2008-07-15T22:48:00.000Z

Þá er Nikulásrmóti lokið og Steinar Logi og félagar urðu í öðru sæti í sínum flokki. Sannarlega glæsilegur árangur og Steinar Logi stóð sig eins og hetja, skoraði tvö mörk og var mjög duglegur á kantinum. Þetta ætlar að verða árviss skemmtun hjá okkur og gaman að fara í útilega samhliða þessum fótboltamótum, þó svo Ólafsfjörður hafi skartað bæði þoku og hellirigningu...

Mr. Blue

2008-06-30T22:37:00.002Z

Halli Gulli
Guito
Stebbi
Tiago
Það var geggjað að spila á blúshátíðinni og frábært að við skyldum smella svona saman. Það er náttúrulega bara vandræðalegt hvað Halli Gulli er góður á trommur og brassarnir eru snillingar hvor á sinn hátt. Við spiluðum bæði hátt og hratt og okkur var bara vel tekið og stefnan tekin á áframhaldandi samstarf. Reyndar á nú eftir að finna almennilegt nafn á hljómsveitina, en við ætlum að koma einhverju í verk með haustinu og halda tónleika þar sem við munum flytja eitthvað af lögunum hans Guito, en sá á nú nóg af þeim. Fyrst fara menn nú samt í sumarfrí og anda með nefinu.

Blúshátíð

2008-06-23T21:30:00.002Z

Blúshátíðin á Ólafsfirði er um helgina og á föstudagskvöldinu spilar hljómsveitin Mr. Blue, sem er skipuð Tiago Trinsi Guito Thomas og hinum landskunna trommara Halla Gulla, ásamt ykkar einlægum. Við verðum með eitthvað gítarhetjurokk og blús úr ýmsum áttum og eins víst að undir rífandi riffunum verði grúvað gressilega. Mætið ef þið þorið...

Bangsafælni

2008-06-21T23:05:00.000Z

Datt í hug að segja ykkur frá helstu aðgerðaráætlun ef þið mætið ísbirni. Í fyrsta lagi ættu menn alltaf að ferðast tveir og tveir saman á þessum síðustu og verstu. Ekki vera með skotvopn nema þið séuð þeim mun þjálfaðari í meðferð þeirra (sérsveitarmenn eða svoleiðis) Það er miklu áhrifameira að hafa hamar meðferðis. Þegar bjarnarins verður vart og ljóst er að hann ætlar að gera sér mat úr þér og ferðafélaga þínum er eina ráðið að draga fram hamarinn og nota hann til að mölva hnéskelina á viðkomandi og vona að það tefji björninn nógu lengi til að þú komist undan.
Annars er allt gott í Múlasíðu, grasið sprettur og börnin stækka. Við erum farin að hugsa til Danmerkurferðarinnar með spenningi.

Uppskrift

2008-05-22T21:46:00.000Z

Ég ætla nú ekkert að fara að breyta þessu í matreiðslusíðu, en þegar drengirnir manns vilja ekkert nema pylsur í matinn er hægt að gefa ímyndunaraflinu lausan tauminn og útbúa sér dýrindir máltíð, sem jafnvel forhertustu exotískir matölustaðir myndu ekki hafa þor til að bjóða upp á. Þetta er semsé steikt pylsa í hituðu brauði með bökuðum kartöflum, sinnepi og bræddum osti, Season All og svona líka prýðilegur matur ...

Helgin framundan

2008-05-22T20:49:00.000Z

og það er hugur í mér. Hugurinn hvarflar víða. Hugum að því

Por todo lo alto

2008-05-16T23:50:00.000Z

Ég er búinn að liggja heima í tvo daga með vott af flensu. Það væri nú ekki í frásögur færandi nema fyrir það að í sjónvarpinu er um miðjan dag einhver sú almesta snilld sem hugsast getur. Þessi myndbirting fullkomnunar kristallast í sápuóperu frá Venezuela og er eitthvað það alfyndnasta sem ég hef séð. Enn ein sönnun þess að það fyndnasta sem maður gerir er þegar grín er fjarri því að vera á dagskrá. Misskilningurinn og vandræðagangurinn á þessu aumingjans fólki rifjaði upp fyrir mér pínlegt atriði í mínu eigin lífi þegar einhver saklaus fulltrúi heyrnleysingjafélagsis heimsótti mig að kvöldlagi til að selja mér eitthvað sem mig vanhagaði klárlega ekkert um, en engu að síður... ég opnaði hurðina, hann rétti mér miða með lesningu um það að hann væri sumsé heyrnarlaus og hvort ég vildi ekki styrkja félagsskapinn með því að kaupa það sem hann hafði að bjóða. Jú ég las miðann, rétti honum til baka og sagði hátt og skýrt ,, Yes yes, just wait a moment !!"
Ég veit það núna að heyrnarlausir heyra ekkert frekar ensku...
Annars er þessi mynd af Tryggva bróður mínum þar sem við vorum að príla hátt hátt upp í snjólínu eftir rjúpum fyrir löngu síðan. Hann bíður nú ásamt fjölskyldunni eftir þriðja barninu og er áreiðanlega orðinn jafn móður og þegar þessi mynd var tekin. Ég hugsa dálítið til þeirra núna.

Vorið er komið

2008-05-15T22:06:00.002Z

Nóg að gera og ég búinn að klippa eins og vitlaus maður. Vorið þýðir líka að erfiðara er að koma ungviðinu í rúmið á kvöldin og sárt kvartað yfir því að það sé enn dagur þegar Dagur er að kveldi kominn. Strákarnir búnir að fara í sumarklippinguna og fer að koma að því að sækja tjaldvagninn og viðra. Við reiknum með að vera dugleg að ferðast í sumar þar sem fjölskyldufaðirinn er kominn í vinnu þar sem frí er um helgar.Það eina sem gæti hamlað manni er þetta fullkomlega fáránlega eldsneytisverð. Annars er lítið að frétta. Gospeltónleikar á laugardagskvöldið og síðan léttmessa í Glerárkirkju á sunnudagskvöldið. Alltaf eitthvað ...

Endemis viðbjóður

2008-04-29T19:04:00.002Z

Einhvernvegin svona gæti andskotinn litið út ef hann gengi meðal manna.

Og enn snýst hún

2008-04-27T20:43:00.001Z

Sunnudagskvöld og ég nýt þess að vera í helgarfríi. Það var letidagur í gær með smávægilegri tiltekt hér heima, sándtékki og pizzu og síðan sýning á ,,Gráu hárin heilla" þegar sýningunni lauk var ljóst að forfoll yrðu á hljómsveitinni sem átti að spila ballið þannig að við Halli, Haukur og Heimir stukkum á svið og spiluðum sveitt ball, meira af tilþrifum en gæðum, óæft og fínt. Þetta var fyrst og fremst gaman og mikið adrenalín kikk að telja í hvert lagið af öðru án þess að muna mikið meira um það en nafnið. Kom sér vel að við Halli og Heimir vorum að spila ball í íþróttahöllinni á föstudagskvöldið, þá að vísu með Valla á trommur. Í dag var síðan fjólskyldudagur með bröns í Móasíðu, hópferð í keilu og ís á eftir og síðan aftur í Móasíðu í kvöldmat. Núna er ég semsagt að bræða það með mér hvort ég eigi að nenna í bíó á Rolling Stones myndina klukkan 22. Lítið annað að gerast. Gott.

Tilþrif í keilu

2008-04-27T20:07:00.000Z

Sunnudagskvöld

2008-04-20T23:03:00.000Z

Vá hvað það er búið að vera gott veður í vikunni. Ég kann varla nógu sterk lýsingarorð til að koma böndum yfir tilfinninguna sem hríslast um mig á hverjum morgni þessa dagana. Það hljóta að vera forréttindi að hlakka til að fara í vinnuna, tilfinning sem ég var næstum búinn að gleyma.
Sýningin ,,Gráu hárin heilla" gekk vel á föstudagskvöldið. Nánast húsfyllir og virtist tónlistin ganga vel í fólkið. Gærdagurinn fór síðan að mestu í kærkomna hvíld enda búin að vera mikil törn á manni með upp undir fimm tíma hljómsveitaræfingar eftir fullan vinnudag alla vikuna og til að kóróna allt eru Ragna og Steinar Logi búin að liggja með veirusýkingu heima og ástandið svona og svona. Enn þetta horfir nú til betri vegar, hitinn að minnka í liðinu og maður sér fram á fremur rólega viku framundan. Enda buðum við í vöflur og eplaköku í eftirmiðdaginn og síðan vippaði ég mér yfir í Glerárkirkju og spilaði svosem eins og eina messu. Síðan er það ball í íþróttahöllinni á föstudag og önnur sýning á gráu hárunum á laugardagskvöldið. Allt gott.

Tónlist og músík

2008-04-13T12:09:00.001Z

Ja svei mér ef ekki er bara búið að ganga dálítið á hjá okkur undanfarið. Gulli afi hennar Rögnu minnarlést í lok síðustu viku og var kistulagning síðasta fimmtudag. Þetta var í fyrsta sinn sem Steinar Logi fer að kistulagningu og óhætt að segja að maður hafi verið með hnút í maganum, en hann stóð sig eins og hetja og fannst að ég held mjög gott að fá að kveðja langafa sinn og færa honum mynd sem hann málaði handa honum. Gulli verður síðan jarðaður á morgun og kveðjum við hann með þökk og söknuði. Þetta tengist nú reyndar líka nýju vinnunni minni en ég held að ég hafi algerlega hitt naglann á höfuðið þegar ég réði mig til kirkjugarðanna. Þarna er gott að vinna. Eftir annasama viku var gott að komast í helgarfrí og slappa af og sinna ýmsu smálegu hérna heima við. Það eru búnar að standa yfir stífar æfingar á Grátt í vöngum showinu og miðar okkur vel að koma þessu saman.
Hins vegar hringdi Dóri Torfa í mig í gærkvöldi og hálf dróg mig uppúr rúminu til að fara á tónleika. Við sátum á Græna hattinum fram undir þrjú í nótt og hlustuðum á Hinn Íslenzka þursaflokk fara algerlega á kostum og ég er ekki frá því að fólkið sem þarna var hefði getað setið lengur. Algerlega meiriháttar tónleikar. Það er síðan æfing í kvöld. In the white room, with black curtains ... near the station ...

Frá vöggu til grafar

2008-03-31T17:50:00.000Z

Þá hef ég lokið línuvörslu á 112 og farinn að dunda í garðyrkjunni aftur. Mikið er ég glaður ...

Vor í lofti ?

2008-03-26T21:14:00.001Z

Bráðum kemur betri tíð... Hversu oft hefur maður ekki hlustað á þetta og fyllst bjartsýni. Það er ekki hægt annað en halda í þessa barnatrú og horfa vígreifur fram á veg. Jafnvel þó svo bankinn hafi samkvæmt nýjasta greiðsluseðli eignast meira í húsinu mínu og hækkað vextina ofan á það á meðan markaðsvirði þess virðist á niðurleið. Jafnvel þó svo að ríkisstjórnin ætli að ganga á bak orða sinna og aðhafast ekkert í þá átt að viðhalda stöðugleikanum sem var forsenda síðustu samninga. Jafnvel þó svo verðið á sumardvölinni í Danmörku ætli upp úr öllu valdi og bíldruslan mín virðist hafa lent í peningasogandi svartholi sem þennst út hraðar en steratröllin sem skyggðu á sólina hér á Akureyri um páskana. Þá er ég glaður og bíð eftir vorinu. Ég er nefninlega að byrja í nýrri vinnu eftir helgina ...

Gleðilega Páska

2008-03-23T20:45:00.002Z

Óska öllum sem hingað rata gleðilegra páska. Hefðbundinn páskadagsmorgun hjá okkur. Leitað að páskaeggjum lesnir málshættir og farið í morgunmat. Á mínu heimili borðar eiginlega engin páskaegg nema ég. Eftir hátíðarmat hjá tengdó fórum við Ragna hins vegar að endurraða húsgögnum í stofunni hjá okkur. Það var gaman.

Tinni í Tíbet ?

2008-03-22T20:49:00.003Z

Ég afréð fyrir margt löngu að hætta að halda úti pólitísku bloggi, en þó kemur fyrir að ekki verður orða bundist. Nú virðist sem Kínverjar ætli að komast upp með mannréttindabrot enn einu sinni án þess að alþjóðasamfélagið bregðist við að neinu marki.
Ég er þeirrar skoðunar að íslensk stjórnvöld eigi að afboða komu íslenskra íþróttamanna á komandi Ólympíuleika og sýna þar með í verki hug sinn gagnvart því sem fram fer í Tíbet
Kínversk stjórnvöld höfnuðu í dag beiðni um að koma til viðræðna við andlegan leiðtoga Tíbeta, Dalai Lama, og ítrekuðu að þau myndu mæta af fyllstu hörku þeim sem berjist gegn kínverskum yfirráðum í Tíbet. Þar með er ljóst að Kínverjar ætla sér að halda áfram ofbeldisverkum og þjóðernishreinsunum í Tíbet.
Nú er það svo að aðgerðir Kínverja í Tíbet felast ekki aðeins í því að flytja Tíbeta í fangabúðir og úr landi og milljónir Kínverja inn í Tíbet í staðinn, heldur einnig í því formi að banna Tíbetum að eiga fleiri en eitt barn, og með fósturdrápum og þvinguðum ófrjósemisaðgerðum, á meðan Kínverjarnir í Tíbet fá undanþágu frá "eins barns reglunni" í Kína og er leyft að eignast tvö börn.
Á tiltölulega stuttum tíma leiðir þetta til þess að Tíbetþjóðin þurkast út.
Fleiri ofbeldisverk gegn þjóðinni eru í gagni eins og til dæmis að banna að töluð sé tíbetska í skólum.
Með því að gera ekkert og mæta á Ólympíuleikana eru Íslendingar ekki að sýna hlutleysi, heldur taka afstöðu með því að umbera svívirðilega valdbeitingu Kínverja.

Samhengi hlutanna

2008-03-17T16:26:00.004Z

Þetta eru alvöru dæmi um dómskerfið á Íslandi
Héraðsdómur Suðurlands dæmir karlmann í eins árs fangelsi, þar af níu
mánuði skilorðsbundna, fyrir hrottafengna árás og nauðgun gagnvart unnustu
sinni. Þá var hann dæmdur til að greiða henni rúmar sex hundruð þúsund
krónur í miskabætur. Sama dag dæmir Hæstiréttur Hannes Hólmstein Gissurarson til að greiða Auði Laxness, ekkju Halldórs Laxness, eina milljón og fimmhundruð þúsund í
bætur fyrir brot á höfundarrétti í fyrsta bindi af ævisögu Halldórs.
Ókei. Nú skulum við staldra aðeins við. Það er auðsjáanlega eitthvað bogið við það að ekkja nóbelskáldsins hafi borið meiri skaða af því að Hannes hafi kóperað upp úr dagbókum mannsins hennar en kona sem er barin í klessu og nauðgað af sambýlismanni sínum.
Nú er ég ekki að segja að það sé í lagi að eigna sér verk annara, en dómar í ofbeldis og kynferðisbrotamálum eru náttúrulega ósegjanlega lélegur brandari þegar þeir eru settir í samhengi.

Goðamót

2008-03-16T19:43:00.000Z

Helgin var góð. Ég var liðstjóri hjá Steinari Loga og félögum á Goðamóti og var mikið fjör. Það eru sennilega nokkur líkindi með því að vera liðstjóri hjá 9 ára þórsurum og að þjálfa 3 deildar lið í íshokki. Adrenalínstigið hátt og ekki rúm fyrir mikla bið án þess að átök brjótist út innan liðsins og annar hver maður tannlaus. Þess vegna er reynt að halda mönnum við efnið með stífri dagskrá. Það eru því þreyttir en hamingjusamir feðgar sem eru að búa sig til svefns í þessum skrifuðum orðum. Þetta er gríðarlega gefandi og skemmtilegt. Páskafríð er hafið hjá fjölskyldunni og því fá allir að sofa út í fyrramálið, nema ég að sjálfsögðu sem sest á eina af mínum síðustu vöktum við að halda tórunni í þjóðinni. Ég er að vinna meira og minna alla páskana, en þó er von til þess að maður komist eitthvað á skíði. Það eru því dýrðartímar framundan... eins og alltaf, er það ekki ?

Rakel skorar

2008-03-12T23:50:00.005Z

Það er svo sem ekkert nýtt að Rakel Hönnudóttir, þórsari skori mark. En vel við hæfi að segja frá því hér að hún skoraði sitt fyrsta A-landsliðsmark snemma í morgun að okkar tíma. Glæsilegt það og innilegar hamingjuóskir til hennar úti í Porúgal frá Steinari Loga vini hennar og reyndar okkur hinum í fjölskyldunni líka. Vel gert !!

Oft var nauðsyn en nú er óþarfi

2008-03-12T11:55:00.003Z

Það segir kannski sitt að þegar maður fer yfir mbl.is til að leita sér að bloggefni er ekki margt að gerast. kannski sem betur fer. Strákarnir mínir hafa tekið síðasta hálfan mánuðinn í flensuna þannig að daglegt líf hefur farið í vinnu og veikindi, varla að maður hafi lesið blöðin. En nú er ég að fara í helgarfrí og jafnvel að enginn verið veikur. Fjölskyldan að fara í páskafrí á meðan ég nota hátíðina til að telja niður síðustu vatkirnar á neyðarlínunni. Ég hlakka mikið til að komast út í náttúruna.
Annars er maður eins og opin gátt yfir vöxtum, verðbólgu, gengislækkun, eldsneytisverði og því að ekkert af þessu virðist ætla að bíta á sportjeppavædda útrásarmenn ísland sem halda ótrauðir áfram að kafsigla skútunni í trássi við blikkandi aðvörunarljós bæði innlendra og erlendra greiningarstöðva. Eins gott að maður á ekki peninga og tapar ekki bunka af milljónum eins og aumingja Bubbi, sem fær útrás fyrir missinn með því að standa í barnalegum ritdeilum um það hvort hann hafi sögulegt mikilvægi eða ekki. Gott að vera bara peð og vera aðeins mikilvægur þeim sem standa manni næst.

Olía á eldinn

2008-03-07T16:11:00.002Z

Ég veit ekki með ykkur en þessar gengdarlausu eldsneytisverðshækkanir ganga svoleiðis aftur og fram af manni ( og eiginlega mann fram af manni)að maður fær bara aulahroll þegar kemur að því að taka bensín á bílinn.
Svar ríkisstjórnarinna um að hátt eldsneytisverð haldi aftur af mengun er eins og að segja að hátt matarverð lækni offitu. Asnar.

Ferðafélagi kvaddur

2008-03-06T17:53:00.002Z

Jamm þá er ég búinn að selja sleðann minn og fimm ára farsælli samveru lokið.
Það er þá kannski von til þess að maður geri eitthvað úr hugmyndunum um að skíða á fjöllum ...

Dýptin er löng

2008-02-28T15:49:00.003Z

Samkvæmt mogganum er nú búið að bora lengstu borholu landsins. Ég held reyndar að hún hljóti að vera lengst í heimi þar sem aðrar holur eru jafnan djúpar. Enn er Orkuveita Reykjavíkur að nema nýjar lendur ...

Vindar breytinga

2008-02-26T13:50:00.002Z

Það er víst orðið óhætt að segja frá því að ég er enn og aftur að skipta um vinnu. Ég er undangengið eitt og hálft ár búinn að starfa sem neyðarvörður á Neyðarlínunni. Því tímabili lýkur um mánaðarmótin mars/apríl en þá fer ég að vinna sem garðyrkjumaður hjá Kirkjugörðum Akureyrar. Bæði er það nú að ég finn mig ekki sérlega vel í innivinnu og hitt að vera mín hjá neyðarlínunni hefur gert mig sammála VG í umræðunni um einkarekstur í almannaþjónustu og verður það ekki rætt frekar á þessum vettvangi.
Ég hlakka hins vegar mikið til að komast í moldina og eyða vinnutíma mínum meðal trjánna.

Ketilhúsið

2008-02-17T16:17:00.001Z

Tónleikarnir í gærkvöldi heppnuðust bara vel og gaman að spila fyrir troðfullu húsi. Ketilhúsið verður hins vegar seint talið gott hús til flutnings á rafmagnaðri tónlist en hljóðmaður þeiri GIG manna gerði nokkuð gott úr þessu öllu saman

Tónleikar

2008-02-16T17:03:00.000Z

Fyrir ykkur sem gætuð slysast hingað inn þá eru tónleikar í kvöld í Ketilhúsinu kl. 20:00 Officer and gentlemen og Gospel Invation Group spila. Ég held að það sé frítt inn ...

Vetur

2008-02-12T15:33:00.000Z

Víst er kalt hér fyrir norðan og blása kaldir vindar yfir ísi lagða jörð. Það er vetur, jánúar nýliðinn og kaldasti tími ársins. Það sem er gleðilegt við þetta er að ég er búinn að koma sleðanum mínum heim og skipti út raflögnum í dag. Síðan verður gangsett á morgun. Við erum að fara í helgarferð í Bárðardalinn fljótlega og gott að hafa garpinn með. Annað sem gleður hjarta mitt er að sjálfstæðisflokkurinn sýnir þess merki að vera að frjósa í hel í Reykjavík og víst er að farið hefur fé betra. Meira ætla ég ekki að blogga um þetta ótrúlega bull sem tekur alla athygli frá öðrum fréttnæmum atburðum á landinu.
Að öðru leiti er gott að frétta að okkur á Múlasíðunni og lífið lötrast vanaganginn dag út og inn. Við erum búin að skipuleggja sumarfríið og stendur til að ferðast allnokkuð, bæði innanlands og utan. Meira um það síðar.

Ný myndasíða

2008-01-23T21:00:00.000Z

Ég er loksins kominn með almennilegt form á myndasíðuna mína og ekki lengur þessi Flickr-leiðindi sem er náttúrulega ekki albúm heldur mótstaður ljósmyndaáhugamanna. Dunda mér við það á næstunni að týna inn myndir og setja upp viðeigandi albúm.

Jafnaldrar

2008-01-14T22:43:00.000Z

Í dag urðum við Ragna mín janfgömul í árum talið allt fram í Júlí. Þessi elska á semsagt afmæli í dag. Hún er sólin sem ég snýst í kring um.

Tónlistarárið 2007

2008-01-01T16:56:00.001Z

The U Project,
originally uploaded by Stebbi Gunn.

Mér telst til að ég hafi spilað inn á 2 hljómplötur á árinu og komið fram á 26 sinnum. Ég spilaði með skemmtiegu fólki fyrir skemmtilegt fólk og hafði mikla andlega næringu af því að fá að vera með.

Gleðileg J'ol

2007-12-24T01:05:00.000Z

Ég óska öllum þeim sem hingað rata gleðilegra Jóla og farsældar á nýju ári. Takk fyrir skemmtileg samskipti til þessa.

Helgarferð suður um land

2007-12-17T14:33:00.001Z

Zorro,
originally uploaded by Stebbi Gunn.

Við Steinar Logi fórum til Reykjavíkur um helgina. Það er að segja að við vorum lengstum í Kópavogi og Garðabæ en flugum til og frá Reykjavík. Ég var að spila á Hótel Geysi á laugardagskvöldinu og síðan vorum við bara að delera, fórum í dótabúðir, borðuðum hamborgara og litum við á bensínstöð við Laugarveg, sem að ég tel að hafi verið hápunktur ferðarinnar hjá Loga mínum. Merkilegt ástandið í kringum verslanamiðstöðvarnar. Á laugardeginum hittumst við hljómsveitin á bílaplaninu við Kringluna til að sameinast í bíl. Kringlan er jú miðlæg í Reykjavík. Skemmst er frá að segja að alger sturlun ríkti á bílaplaninu og Ingi píanóleikari varð meira að segja fyrir því að öskrað var á hann að drulla sér. Ekki lá fyrir hvert hann átti að drulla sér þar sem hann stóð fyrir aftan bílinn sinn og beið, en manninum sem lagði beiðnina fram var mjög í mun að komast af bílastæðinu og lái ég honum það svo sem ekki.
Svipað var ástatt við Smáralind, en þangað áttum við Logi erindi á sunnudeginum. Við vorum því fegnir að komast í Ástúnið til Tryggva og fjölskyldu þar sem jólaundirbúningur er á réttu róli.
Fegnastir vorum við samt að sofna heima í gærkvöldi þrátt fyrir versnandi veður og leiðinda flugferð heim.

Aðventan

2007-12-13T18:22:00.000Z

Jólin nálgast og í öngþveiti auglýsinganna er gott að gefa sér tíma til þess að gera eitthvað uppbyggilegt. Eins og til dæmis að taka upp frumsamda tónlist með vinum sínum. Við Gísli Aðalsteins höfum verið að rifja upp gömul kynni og dunda okkur í bílskúrnum hjá mér

Meira spil

2007-12-05T16:13:00.001Z

Valli drummer,
originally uploaded by Stebbi Gunn.

Jebb. Þá er búið að ganga frá því. Tónleikar verða haldnir í Allanum á Akureyri laugardagskvöldið 29. desember. Fram kemur hljómsveit, sem þá verður væntanlega búið að skíra eitthvað. Upphaflega var hugmyndin að halda blústónleika, en síðan hafa mál snúist þannig að flutt verður tónlist af þekktum geislaplötum með listamönnum á borð við Jeff Buckley, Tom Waits, Pearl Jam, David Bowie, the beatles, Rolling Stones, Verve og kannski eitthvað fleira.
Ég er hæstánægður með þetta framtak og hlakka svo sannarlega til að spila í þessari hljómsveit þar sem valinn maður er í hverri stöðu á vellinum, en hana skipa:
Hallgrímur Jónas Ingvason - gítar
Tryggvi Már Gunnarsson - gítar
Eyþór Ingi Gunnlaugsson - söngur
Valgarður Óli Ómarsson - trommur
Stefán Gunnarsson - Bassi
Aldeilis von á sveittu rokki eftir jólasteikina.

Helgarfrí ???

2007-12-03T12:36:00.001Z

let´s play,
originally uploaded by Stebbi Gunn.

Ég er þreyttur. Ég missti mig í að halda að ég væri unglingur um helgina og var á næturbrölti bæði á föstudagskvöldið, þegar ég var við gæslu á árshátíð MA með Súlum, og á laugardagskvöldi þegar við Ragna mín fórum í afmælisveislu. Þess utan spilaði ég á tvennum tónleikum. Á föstudaginn hljóp ég í skarðið fyrir veikan bassaleikara og spilaði á barnatónleikum vegna 1. des og á laugardaginn voru styrktartónleikar til handa mæðrastyrksnefnd og allt gott um það. Við náðum nú samt að gera laufabrauð og setja upp seríur hjá okkur. Jólin koma nefninlega bráðum ...

Að norðan

2007-11-24T21:37:00.000Z

Gríðarlegur tannholdsbólgufaraldur geysar nú á Akureyri og hætt við að hann stingi sér víða niður. Hér á bæ hafa menn ekki farið varhluta af ófögnuðnum.

God is looking

2007-11-21T15:26:00.001Z

God is looking,
originally uploaded by Stebbi Gunn.

Tók að gamni mínu eitt af þessum eldhressu persónuleikaprófum á netinu. Að þessu sinni var verið að kanna trúarhneigð og í ljós kom að mínar skoðanir falla best að frjálslyndum mótmælendum. sem kemur mér lítið á óvart svo sem. Annað sem ég vissi ekki að ég er mjög líklegur til að vera kvekari eða eitthvað sem heitir Unitarian Universalisti. Það eru hins vegar litla líkur á að ég taki upp Islam eða Hinduatrú samkvæmt þessu ágæta prófi.

Tölvudrusla og fótabeygla

2007-11-19T22:11:00.000Z

ElmarDagur fékk sína fyrstu fótabeyglu í kvöld, en fyrir leikmann er fótabeygla gott norðleskt orð yfir vaxtaverki. Harðast leikur ófögnuður þessi sköflunga og hnjáliði og getur eftir því sem ég man best bara verið fjandi vont. Ég get nú annars ekki hafa fengið þetta af jafn mikilli slæmsku og margir aðrir, svona stubbur eins og ég er. Ekki er þó von á öðru en að Elmar eigi eftir kenna þessa stöku sinnum ef eitthvað er að marka fortíð föður hans og bróður. Það er nú hálf einkennilegt að berjast við brosviprurnar meðan maður tekst á við óhuggandi drenginn, en þeta eru jú klár merki þess að hann er að vaxa og dafna og því ekki hægt annað en að verða stoltur yfir hörmungunum. skrítið.
Annars er vél sú er þetta er ritað á alltaf að stríða mér eitthvað og týna hinu og þessu. Skemmtilegast finnst henni að týna hljóðkortinu mínu, hinu ágæta M-audio korti, og gera mér ókleyft að leika listir mínar inn á harða diskinn. Þetta er sérlega bagalegt og ég þarf að taka á honum stóra mínum til þess að kenna bykkjunni ekki að fljúga, jafn borðleggjandi og það er útum þakgluggann hér beint fyrir ofan mig. Ég mun þó um stund samþykja það að hér sé um borðtölvu að ræða en ekki fartölvu, sem án efa væri farin að ferðast ...

MInneapolis

2007-11-12T21:59:00.000Z

Ferðin okkar Rögnu tókst vel. Við sáum MInesota Timberwolves og Orlando Magic spila, skoðuðum Minneapolis, sem er víðfem borg hönnuð í kring um vef útivistarstíga og almenningsgarða,fórum í leikhús og sáum frábæra sýningu, the lion king sem var meiriháttar sjónarspil með tónlist á heimsmælikvarða, versluðum í MOA (mall of america eða Monarcy of Anticrist, eftir því hvernig menn vilja hafa það), sáum sýningu á verkum Fridu Kahlo, borðuðum góðan (og vel útilátinn) mat og höfðum það gott. Ragna sótti námskeiðið sitt og ég ékk með strákunum, fór í snjósleðabúðir, Guitar center og svoleiðis strákastöff. Dakk meiri bjór í þessari ferð en ég gerði á öllu síðasta ári og er það gott. Siðan er bara að safna sér saman og fara að vinna. Kannski maður kíki aðeins til rjúpna ef ekki er búið að fæla þær allar út í Hrísey, en mér skilst að menn hafi tekið vertiðina með trompi hér fyrir norðan. Veturinn er í nánd og búið að opna yrir æfingar í Hlíðarfjalli. þá er þess vart langt að bíða að maður fari að komast á skíði ...

Camping in Klakksvik

2007-11-01T09:23:00.001Z

Camping in Klakksvik,
originally uploaded by Stebbi Gunn.

Setti þessa mynd nú bara inn vegna þess að á morgun leggjum við Ragna af stað í 10 daga ferð til USA og maður getur aðeins vonað að sú ferð komi til með að jafna ferð okkar Krisjáns til Færeyja í sumar, sem var náttúrulega þvílík snilld sem mest getur orðið . Þarna vorum við í Klakksvík og tjaldsvæðið var bílastæðið hjá leikskólanum. Vorum þarna lengur en ætluðum þar sem að sá græni bilaði og þurfti að hvíla sig yfir helgi en það kom ekki að sök þar sem bifvélavirkinn lánaði okkur bara bílinn sinn á meðan !! Færeyingar eru snilldarfólk
Annars var ég að gera athugasemd við framkvæmdir á Hengilssvæðinu á hengill.nu og skora á alla sem hingað rata að gera slíkt hið sama.

Upside Down

2007-10-25T20:52:00.000Z

Manni þykir nú hálf asnalegt að heyra að Biblían sé í efsta sæti á lista yfir bókasölu. Er ekki nokkuð gefið að Biblían selst nokkuð vel. Þetta er jú handbók allnokkura söfnuða og svo Gídeonfélagið og það allt. Nei bara pæling. Annars er ég bara búinn að vera pirraður og fúll undanfarna daga. Er að drepast í bakinu og á svo margt ógert áður en fer að snjóa. Hins vegar tók ég góðan skurk í því í dag að hreinsa upp verkefnalistan hjá mér og sé nú fram á bjartari tíma. Enda verð ég í USA eftir viku ...

Baki brotnu

2007-10-12T16:56:00.000Z

Jú maður er að jafna sig, en sporta þessum líka fína marbletti á upphandleggnum. Varð að deila þessu með ykkur
Held að þetta sé öruglega stærsti marblettur sem ég hef fengið. Bíð bara eftir að bakið blómstri. Sjáum hvað setur. Annars er allt gott að frétta og spennandi verkefni að dúkka upp í spilamennsku. Meira um það síðar.

Góð helgi endaði með flottu stunt atriði

2007-10-08T21:49:00.001Z

Northenly sumer,
originally uploaded by Stebbi Gunn.

Já svo sannarlega. Við áttum meiriháttar helgi í Bárðardalnum og nutum frídaga minna, sem báru uppá helgi í fyrsta skipti í sjö vikur. Strákarnir léku við hvern sinn fingur og við Ragna hlóðum batteríin. Bökuðum okkur muffins og fórum í stjórnuskoðunarferð í heita pottinn á laugardagskvöldinu. Norðan hvellurinn í veðrinu gerði ekki vart við sig hjá okkur og því uðrum við eiginlega dálítið hissa þegar við keyrðum nánast ófært Dalsmynnið í gær til þess að kíkja á framkvæmdir hjá Svövu og Gesti í nýja bústaðnum við Grenivík. Þar vildi hins vegar ekki betur til en svo að ég hrundi niður af svefnloftinu og brákaði hryggjarlið ásamt því að togna í baki oh hálsi og merja mig vítt og breitt um kroppinn. Því ligg ég í bælinu og er að jafna mig. Fékk meira að segja að fara í sjúkrabíl inn á Akureyri og settur á bakbretti og allt. Svona mátulega skemmtilegt allt saman, svona ofan á úlnliðsbrotið í sumar.
Some guys have all the luck ...

Útrás orkunar

2007-10-04T19:05:00.001Z

Septemberferd4x4þverártindsegg og kálfadalur,
originally uploaded by Stebbi Gunn.

Ég er hræddur við þá þróun að orkufyrirtæki, sem fólkið í landinu hefur byggt upp með útsvari og greiðslu þjónustugjalda séu rétt í hendur auðmanna sem, gambla með þau á alþjóðamarkaði. Fólkið í landinu á þessi fyrirtæki. Við erum búin að borga þau og uppspretta þeirra eru auðlindir landsins, sem þau hafa vinnslurétt á en eiga ekki. Vonandi komast einhver bönd á sjálfstæðismennina í Reykjavík

Enn um fréttir (nú á stöð 2)

2007-10-02T18:49:00.001Z

DSCF4780,
originally uploaded by Stebbi Gunn.

Hvaða andsk... máli skiptir það hvort drykkfeld poppstjarna vinnur eða tapar máli fyrir rétti. Er ekkert að frétta frá Íslandi ?

Best að dæsa aðeins

2007-10-02T18:21:00.001Z

langur gangur,
originally uploaded by Stebbi Gunn.

Ég var að fara yfir mbl.is og sá ástæðu til að deila með ykkur hugenningum mínum um málefni líðandi stundar.
Guðhræddir menn, og konur, eru enn að skrifa í blöðin um það hversu ósmekkleg símaauglýsingin nýja er. Ég er ósmmála því að mörgu leiti. Ég skrifaði um það áður að það er einungis vegna eigin óstöðugleika sem menn geta ekki tekið gríni. Í annan stað er það svo að auglýsingin er smekklega unnin, gerfi og sviðsmynd til fyrirmyndar og allt fas manna flott. Ósmekklegt hefði verið að sýna Maríu Magðalenu senda Jesú djörf myndskilaboð og ýja þar með að sögusögnum um ástarsamband þeirra. Ósmekklegt hefði verið að sýna rómverska hermenn senda myndir af Jesú á krossinum til félaga sinna, og fleira og fleira...
Hins vegar finnast mér ósmekklegar auglýsingar þar sem fólki er neitað um hina og þessa þjónustu af því að það er ekki með peninga í einhverjum sjóðum (Kannski af því að ég á ekkert gríðarlega mikið sparifé) og verður að sætta sig við að lepja dauðan úr skel.. og fleira þessu tengt því nú hefur fjármálaráðherra birt fjárlagafrumvarp sitt, með tugi milljóna í plús. Það dylst engum að fjármálaráðherra, brosandi og glaðbeittur, ætlar að ná þessum niðurstöðum sínum með því að loka sjúkradeildum, halda launum ríkisstarfsmanna niðri, skera niður í samgöngumálum og í heild að halda í við þjónustu. Semsagt að senda skattpeningana okkar ekki út í samfélagið heldur að halda þeim eftir í von um að sýna einu sinni tekjuafgang. Það þarf hins vegar ekkert að örvænta, þar sem enn hefur ekki verið gefið út fjárlagafrumvarp sem haldið hefur vatni. Bíðum frekar eftir svokölluðum fjáraukalögum þar sem sannleikurinn kemur í ljós.
Það fer líka í taugarnar á mér að blöðin eru endalaust að birta fréttir að eiturlyfjanotkun og misstigum fræga fólksins. ólán þeirra er þannig æst upp í að vera eftirsóknarvert og tilvalið til fyrirmyndar fyrir óharnaðra unglinga. Ég fæ ekki séð að frétt um það að Mick Jagger hafi áhyggjur að því að söngkonan Amy Winehouse sé að drepa sig á ólifnaði komi okkur nokkurn skapaðan hlut við eða eigi erindi í íslenska fjölmiðla. Ef fólk kýs að sólunda lífi sínu í ólifnað hlýtur það að taka afleiðingum þess, sem eru altaf heilsuleysi eða dauði. Nær væri að sýna myndir að dauðum fíklum, öðrum til aðvörunar
Eins hefur það farið í taugarnar á mér árum saman að vegna einhverra fíflalegra húsfriðunarlaga er skjaldarmerki íslensku þjóðarinnar ekki á alþingishúsinu, heldur danska krúnan. Þetta er þjóðinni allri til ævarandi háðungar, ég meina, hvaða heilvita maður hefur merki fyrrum kúgara sinna á húsi æðsta valds þjóðarinnar !! ég gæti sprungið !!!

Meira haust

2007-09-28T23:05:00.000Z

Við fórum í góðan ístúr áðan, fjölskyldan og enduðum hér ofan við bæinn að reyna að átta okkur á því hvað væu gervitungl og hvað væru stjörnur, hvers vegna tunglið lýsir og hvernig ljósið frá sólinni getur speglast frá tunglinu og lýst upp fannirnar í Hlíðarfjalli. Það eru forrétindi að fá að enduruplifa svona pælingar og stórar og smáar uppgötvanir. Haustlitirnir eru líka mikil uppspretta náttúruumræðu og vert að minna fólk á að gulir haustlitir stjórnast að mestu af minnkandi dagsbirtu, en rauðu litirnir af kuldanum, svona í hæfilegri einföldun.
Annað sem haustið ber með sér eru laufvindarnir. Sterkur norðanblásturinn eftir frostnótt og laufin hrynja af trjánum. Eins flókið lífræðilegt ferli og haustun trjáa er nú þá er ótrúlega gaman að stnada við gluggann og fyljgast með hvernig trén hreinsa sig af laufinu og fólk rýkur út með sópa og hrífur til þess að moka þessum ókeypis áburði í poka og dröslast með hann á haugana. betur færi nú að raka laufinu beint yfir beðin og láta hringrás náttúrunar óáreitta.

Haust

2007-09-25T09:08:00.001Z

Sunset in the highlands,
originally uploaded by Stebbi Gunn.

Jamm það haustar og værðin að ná pínu tökum á manni. Bestu fréttir sem ég hef fengið lengi er að lesa á mbl.is í dag um að ,,vinir" Akureyrar ætli að hætta að draga hingað norður fólk um verslunarmannahelgina. Ég hef nú í 10 ár sagt að Akureyrarbær og hagsmunaaðilar eigi að taka höndum saman og gera Akureyrarvöku, sem haldin er hér í sumarlok að stórhátíð menningar og lista óg marka sér sérstöðu í stað þess að vera að berjast við vindmillur endalaust í óþökk meirihluta bæjarbúa og ferðaþjónustuaðila. Húrra ! segi ég. Hættum að spila endalaust í annari deild og gerum eitthvað !!

Stjórnuspá

2007-09-23T17:20:00.000Z

af mbl.is
Krabbi: Þú ranghvolfir augunum þegar þú hugsar um fortíðina. Það sem áður var góð hugmynd er nú fáránlegt. Þú munt framvegis taka betri ákvarðanir.

Já það væri nú bara. Ég er nú nokkuð sáttur í dag og ef mér tekst að taka betri ákvarðanir í framtíðinni liggur leiðin upp...upp...upp...upp...upp...upp...upp...

Veisla í dag

2007-09-11T08:32:00.001Z

Zorro,
originally uploaded by Stebbi Gunn.

Steinar Logi átti afmæli á sunnudaginn og einhverra hluta vegna kom afmælisfærslan hans ekki inn. Veisla fyrir skólasystkin hans verður seinna í dag

Stemmingar

2007-09-09T16:39:00.000Z

Það hefur hvarflað að mér að flíka stemmingum hér á síðunni. Væntanlega verður kominn hlekkur hér til hliðar þar sem vísað verður á útfrymi hugans.

siminn.is

2007-09-08T10:01:00.001Z

God is looking,
originally uploaded by Stebbi Gunn.

Nú er í tísku að vera óskaplega hneikslaður á auglýsingu símans fyrir einhverja nýjung á gsm sviði. Mín skoðun er sú að ef fólk getur ekki tekið gríni er það vegna eigin óöryggis og ætti fólk að byrja á því að líta í eigin barm og afstöðu sinnar til trúar. Ég trúi á Guð og minn Guð fer ekki í fýlu þó svo einhverjum spékoppum detti í hug að gera góðlátlegt grín að Júdasi. Hann er yfir það hafinn.
Það er akkúrat svona húmorsleysi og þverskyllingsháttur gagnvart nútímanum sem stendur kirkjunni fyrir þrifum.

allt fram streymir

2007-09-06T19:58:00.001Z

Flowing water,
originally uploaded by Stebbi Gunn.

Já og lífið flýgur hjá. Skólagangan fer vel af stað á þessum bæ og rútínan að byrja að setjast á heimilislífið. Einna helst að ég sé ekki í rútínu, enda vaktavinna til þess garð að brjóta mann úr slíku. Ég hef svolítið verið að vasfstrast í haustverkum innan um tré og runna og liftir það sálarlíifinu upp fyrir endalausar fréttir af ofurlaunum., Grímseyjarferjunni, 100 daga ónýtri ríkisstjórn og gengdarlausum yfirgangi orkufyrirtæjanna. Skora á lesendur að fylgjast með málum í Gjástykki þar sem hamslaus frekja Landsvirkjunar kristallast í spellvirjum. Hér á Akureyri eru menn helst á því að rífa gömul hús og grafa upp íþróttavelli á meðan tillögur um verndun hins gamla hljóta verðlaun víðast annarstaðar. Jú og svo erum við víst búin að stinga Írak í bakið með því að kalla heim friðargæsluliðann sem þar var við störf. Vont er nú að vita til þess að ástandið þar yrði óstöðugt. o, svei því öllu. Stundum er gott að djöflast bara með spaða og hrífu í moldinni og finna lyktina af haustinu, sem kemur þrátt fyrir stór orð og úlfúð. Lífið er nefninlega gott ef maður hefur vit á að lifa því.

Afmælishlunkurinn

2007-08-31T10:58:00.001Z

BIO Shocker,
originally uploaded by Stebbi Gunn.

Já Elmar Dagur er þriggja ára í dag. Mikil hátíð í vændum og blöðrudagur á Síðuseli.

Vísitölur

2007-08-23T18:56:00.001Z

Nightboat to ... anywhere really,
originally uploaded by Stebbi Gunn.

Hvað eiga Eistland, Liechtenstein, Andorra, Lúxemborg, Færeyjar, San Marínó og Svartfjallaland sameiginlegt ?
Jú samkvæmt fótboltavísitölu eru þetta einu þjóðirnar í Evrópu sem eru slakari í fótbolta en við.
Þarf að segja meira um það ?

Kominn í gang

2007-08-18T20:34:00.001Z

Stebbi Gunn playing his Music Man,
originally uploaded by Stebbi Gunn.

Jamm. Búinn að taka fram bassann á ný eftir nærri fimm vikna hlé. Það hefur margt verið að gerast hjá okkur. Við Logi fórum á fótboltamót, Ragna á namskeið til Edinborgar og haustið er komið með berjum og kvöldhúmi. Ég hef lítin tíma haft til bloggunar, en set inn myndir og svoleiðis fljótlega. Þolinmæðin verður að vera þeirra sem lesa þessa síðu um þessar mundir

Í fréttum er þetta helst

2007-07-25T19:15:00.001Z

Ragna,
originally uploaded by Stebbi Gunn.

Já það ber hæst um þessar mundir að við Ragna eigum brúðkaupsafmæli í dag. Gott hjá okkur

Tjahh bara allt gott

2007-07-18T23:13:00.001Z

Late night snack,
originally uploaded by Stebbi Gunn.

Það er búið að vera gott síðan síðast. Við fórum í góða fjölskylduferð, byrjuðum í Sælingsdal, gistum eina nótt og fórum þaðan niður um Bröttubrekku og í skorradal. Tjaldsvæðið í Selskogi fylltist mjög óvænt af fólki og því afráðið að taka upp tjald og þá var haldið Lundareykjadal og Uxahryggi niður á Þingvelli. Áttum við mjög skemmtilega dagstund á Þingvöllum, en héldum síðan Lyngdalsheiðina um Haukadal, stoppuðum við Geysi og ákváðum síðan að eiga næturstað upp á Hveravöllum. Þaðan héldum við síðan heim, eftir að hafa átt frábæra ferð. Eitthvað var unnið og síðan af stað og nú á Nikulásarmót á Ólafsfirði. Steinar Logi og hans lið varð í öðru sæti í sínum flokki og Þór vann háttprýðiverðlaun í 7. flokki og almennt mikil hamingja með það. Síðan er annað mót á laugardaginn. Hvað sjálfan mig varðar þá hafa öll plön um spilamennsku verið sett í gifs þar sem mér tókst með einstakri lægni að mölva á mér vinstri úlnliðinn í kaffiboði, Jebb ! ég er bara þetta fær ... Ég þarf að vera í gifsi í fimm vikur og má lítið sem ekkert gera. Við erum svona að velta því fyrir okkur hvernig best sé að nýta þetta óvænta getuleysi húsbóndans. Væntanlega kemur eitthvað verulega gott út úr þessu öllusaman.

Umferðar(ó)menning

2007-07-03T16:08:00.001Z

Fréttamynd,
originally uploaded by Stebbi Gunn.

Ég er sammála því sem ég hef verið að lesa á fréttavefjum og bloggsíðum undanfarið að umferðarmál eru náttúrulega í algerum ólestri. Það er eins og áróður og auglýsingarherferðir séu gagnslausar þegar kemur að umferð og ökuhraða.

Það er náttúrulega hverjum manni ljóst sem keyrir um landið að vegakerfið er ónýtt, hér eru vegir nánast aldrei sléttir eða heilir. Eins er það að vegir eru nánast aldrei nógu breiðir til þess að rúma nútímaumferð og vegaxlir nánast án undantekninga ónýtar. Gott dæmi um þetta er nýr kafli á Borgarfirði þar sem sæmilegum vegarkafla var skipt út fyrir laust grjót og holur þar sem grjótið átti klárlega að vera. Síðan er það náttúrulega sú staðreind að fólk er fífl og hagar sér eins og villimenn,fer um landið eins og óveður, hvort sem er á vegum eða utan þeirra. Það er alveg ljóst að eitthvað þarf að gerast til þess að koma böndum á þetta ástand. Stofnanir og löggæsluembætti þurfa að taka höndum saman og stórauka þarf refsiheimildir fyrir umfrðalagabrot. Ég held að það hafi meiri áhrif en einhverjar útungunarstöðvar fyrir hraðaksturskappa í úthverfum bæja. menn eiga að gjalda við háum sektum upp að einhverjum ákveðnum hraða. Segjum að þú sért tekinn á 115 á þjóðvegi með 90 km hámarkshraða. Þá á það bara að kosta 115.000 krónur. Siðan á að svifta menn ökuréttindum í einn mánuð fyrir hverja fimm km yfir hámrkshraða,og fyrir að fara 20 km yfir hámarkshraða innanbæjar á að svifta menn ökuréttundum í tvo mánuði og síðan í einn mánuð fyrir hverja 5 km þar yfir. Væri einhverju af því sem við greiðum ríkinu í bensíngjaldi skilað aftur út í umfrerðina og í vegagerð væri ekki fjarri lagi að framkvæma hlutina
Menn geta hugsað um það að bíll á 165 km hraða fer 45 metra á sekúndu og á meðan þú kíkir á það hver er að hringja í símann þinn ferðu vegalengd sem samsvarar einum fótboltavelli.
Bara svona pæling

Færeyjar

2007-07-02T14:18:00.001Z

Vaðlaheiði,
originally uploaded by Stebbi Gunn.

Þá gefst loksins tími til þess að blogga svolítið. Ferðin til Færeyja var náttúrulega bara snilldin sem maður bjóst við, utan það að willis bilaði. Fór í honum kúplingin svona frekar en ekki neitt. Við Kristján létum það hins vegar ekki á okkur fá og geystumst um eyjarnar á einhverju Daiwoo ( ?) flaki og höbbðum gaman af. Nú er það svo að Færeyjar eru ekki nema rétt rúmir 100 þús. km2 og við skoðuðum þær all gaumgæfilega bæði af landi og sjó. Þetta samfélag er dálítið heillandi í rólegheitum sínum og vinalegt og friðsælt umhverfi spillir ekki fyrir. Við eignuðumst allnokkra kunningja og eigum heimboð í Vestmanna næst þegar við verðum á ferðinni. Sigling heim með Norrænu var líka skemmtileg og ekki slæmt að vera á balli með suðuramerískri hljómseit þar sem allri sitja og ríghalda sér í stólarmana í veltingi og haugasjó. Síðan fórum við í koju og til marks um sjólagið þá vatnaði undir mann í mesta veltingnum. Náði að skorða mig upp við veggin með því að skríða hálfur undir dýnuna og náði að sofna í klukkutíma eða svo.Varð samt ekkert sjóveikur.

Á ferð og flugi

2007-06-20T18:51:00.001Z

BIO Shocker,
originally uploaded by Stebbi Gunn.

Fjúkk maður. Það er búið að vera spann á manni þessa síðustu daga. en nú hillir undir nýjar lendur og letitíma.
jamm þá er stundin runnin upp og allt orðið klárt fyrir Færeyjaferðina okkar Kristjáns. Brottför úr Múlasíðunni er klukkan 05:30 í fyrramálið og áætlum við að vera við bryggjuna á Seyðisfirði uppúr klukkan 09:30 og fara beint í ferjuna. Það má gera ráð fyrir ferðasögunni um næstu helgi.
Spilamennskan á 17. var ósköp hefðbundin. Alltaf gaman að spila lög sem enginn þekkir... Síðan er hafnar æfingar fyrir tónleika á Dalvík fimmtudaginn fyrir Fiskidaginn mikla. Þar verða flutt lög eftir Deep Purple, Pink Floyd, Uriah Heap, Procol Harum og fleiri rokkrisa.
Hljómsveitina skipa: Halli á gítar, Heimir Ingimars söngur og raddir, Eyþór Ingi söngur og raddir, Valli á trommur, Unnur Birna á hammond og fiðlu og undirritaður á bassa. Meira um það síðar.

Það er margt sem mæðir

2007-06-18T12:45:00.001Z

Above the clouds,
originally uploaded by Stebbi Gunn.

Merkilegar athugasemdir úr sjúkraskýrslum.
•Að höfðu samræði við lækni féllst hann á að koma sjálfviljugur inn.
•Á öðrum degi var hnéð betra og á þriðja degi var það alveg horfið.
•Daginn fyrir innlögn borðaði hún kvöldmat á eðlilegan hátt með kjötbollum.
•Eftir það var hún í samkvæmi.
•Fékk vægan verk undir morgunsárið.
•Hún hefur þroskast eðlilega framan til.
•Hún rann til á svelli og virðist að lappirnar á henni hafi farið í sitthvora áttina í byrjun desember.
•Húðin var rök og þurr.
•Leitað er að náraherniu liggjandi og standandi.
•Misnotaði áfengi í óhófi áður fyrr.
•Móðir getur látið barnið sitja með því að setja fæturna í hring.
•Nú er svo komið fyrir henni að hún getur að mestu leyti hjálpað sér sjálf.
•Saga er fengin hjá uppgefnum ættingjum.
•Sjúklingur á vanda til að fara austur í sveit um helgar. Þar datt undan henni hestur.
•Sjúklingi batnar ef lagst er ofan á hann.
•Sjúklingur borðar reglulegt mataræði.
•Sjúklingur er ekki þekktur fyrir að fremja sjálfsmorð.
•Sjúlingur er fertug, að öðru leyti ekkert athugavert.
•Sjúklingur er svo hress að hann gæti gengið langleiðina til Akureyrar.
•Sjúklingur er tilfinningalaus frá tá og niðurúr.
•Sjúklingur fékk sér vöfflur í morgunmat og var kominn með lystarstol í hádeginu.
•Sjúklingur fékk þá mjög langsótt kvef.
•Sjúklingur fær verki í bringunni ef hún liggur á vinstri hlið í meira en eitt ár.
•Sjúklingur hefur aldrei fundið fyrir þessum verkjum nema þegar hann vaskar upp í sumarbústað – en er ráðlagt eftirlit ef verkir koma fram við önnur tækifæri.
•Sjúklingur hefur átt við gott heilsufar að stríða.
•Sjúklingur hefur fremur óbærilega verki.
•Sjúklingur hefur formlegar hægðir.
•Sjúklingur hefur skilið hvítu blóðkornin eftir á öðrum spítala.
•Sjúklingur hefur verið að þyngjast af asthmanum s.l. sólarhring.
•Sjúklingur hefur verið mædd s.l. fimm ár.
•Sjúklingur hefur verði niðurdregin alveg síðan hann byrjaði að hitta mig 1983.
•Sjúklingur lenti á parketgólfi, bar fyrir sig höndina með þeim árangri að hún brotnaði.
Sjúklingur hefur veirð í vandræðum með gervifótinn, en hann hefur haft fjóra fætur frá því hann lenti í slysinu, en þann síðasta fékk hann í apríl.
•Sjúklingur lærði söngnám.
•Sjúklingur tekur engin lyf en magnyl þess á milli.
•Sjúklingur tárast og grætur stöðugt. Virðist líka vera niðurdreginn.
Sjúklingur var í góðu ásigkomulagi þangað til flugvélin hans varð eldsneytislaus og hrapaði.
•Sjúklingur var í morgun að drekka te og borða maís þegar að bar mann sem heitir Kristmundur.
•Skoðun við komu leiðir í ljós unglingspilt.
•Tekin var mynd af sjúklingi sem sýnir breytingar í Hafnarfirði.
•Við komu á spítalann var sjúklingur fljótlega skoðaður af undirrituðum og kemur þá í ljós að um er að ræða 46 ára karlmann sem er mjög þrekvaxinn og vöðvastæltur.
•Við rectal exploration fannst stækkaður skjaldkirtill.
•Við skoðun á sjúklingi kemur fram áberandi kyndeyfð.
•Við skoðun eru engar eitlastækkanir að gagni.
•Það sem fyllti mælinn var þvagleki.
•Það vottar fyrir gyllinæð hægra megin á kálfa.
•Þegar hann var lagður inn hafði ör hjartsláttur stoppað og honum leið betur.
•Þessi maður veit ekki um skyldleika í ætt.

Já það er ýmislegt sem getur komið fyrir og eins gott að passa sig :)

17. júní

2007-06-14T14:35:00.001Z

Dirty boys,
originally uploaded by Stebbi Gunn.

Þjóðhátíðardagurinn er á sunnudaginn og ég verð að spila með Sigga Ingimars á torginu, fyrst klukkan 16 og síðan aftur um kvöldið. Gaman að segja fra því

Ferðasumarið hafið

2007-06-11T22:51:00.001Z

Late night snack,
originally uploaded by Stebbi Gunn.

Fórum í ansi hreint góða útilegu um helgina. Meiningin var að fara í Ásbyrgi, en við komumst seint af stað á föstudagskvöldinu og fórum í Vaglaskóg til að byrja með. Á laugardagsmorgunin var hins vegar svo gott veður að við ákváðum að vera um kyrrt og sáum ekki eftir þvi. fengum góða gesti í kaffi, kvöldmat og enn kom fólk og þáði kvöldkaffi. Á sunnudeginum fórum við á Grenivík til þess að baða okkur, en þar er sumarið ekki komið og sundlaugin lokuð, þannig að við fórum heim og lukum helgini í rólegheitum.
Sannarlega góð byrjun og græjurnar í góðu lagi. Næst verður vagninn opnaður í Færeyjum. Gott mál

Helgin

2007-06-04T21:04:00.001Z

Trana ser fram,
originally uploaded by Stebbi Gunn.

Þá er júní byrjaður og ekki nema hálfur mánuður þangað til ég fer til Færeyja. Helgin var nokkuð notaleg og sumarið að ná tökum á fjölskyldunni. ég er búinn að slá fyrsta slátt, hreinsa beðin og koma fyrir járðaberjum á lóðinni. Síðar bætast við kryddjurtir og ég á eftir að færa til nokkra skrautrunna. Við fórum þó ekki í útilegu eins og til stóð, heldur fór ég á sunnudagin og hjálpaði Magnúsi frænda að negla nýtt þak á sumarhúsið sitt fram á Hrísum. Gaman að því og strákarnir skemmtu sér vel í bæjarlæknum.
Framundan er síðan vinna við að hanna lóðir og einhver spilamennska er að koma í ljós, verð að spila á torginu 17. júní og hugsanlega á Dalvík í kring um fiskidaginn mikla, en það á nú allt eftir að skýrast.

Stuttar bækur

2007-05-24T14:30:00.001Z

Hunting for ptarmigan (Lagopus muta),
originally uploaded by Stebbi Gunn.

Hér er listi yfir stuttar bækur sem væntanlega verða skrifaðar á næstu mánuðum...

Fölskvalaus iðrun – eftir Árna Johnsen

Stjórnmálaflokkar sem ég á eftir að prófa – eftir Kristinn H. Gunnarsson

Villtu árin – eftir Geir H. Haarde

Formannssætið – eftir Össur Skarphéðinsson

Félagatal Framsóknarflokksins

Hvernig á að bjóða útlendinga velkomna – eftir Jón Magnússon

Úr fréttum inn á þing – eftir Ómar Ragnarsson

Þingmannsárin – eftir Jón Sigurðsson

Það sem mér líkar í fari framsóknar – eftir Steingrím J. Sigfússon

Aðeins um vatn

2007-05-22T14:04:00.001Z

Flowing water,
originally uploaded by Stebbi Gunn.

Vatn er án efa það besta sem við getum drukkið. Af einhverjum ástæðum sér maður yfirleitt ástæðu til þess að drekka frekar kaffi, gos eða ávaxtasafa til að hressa sig við og halda sér gangandi yfir daginn. Ég er í átaki í vinnunni að reyna að drekka frekar vatn og á vafri mínu um netið fann ég eftirfarandi saðreindir til þess að styrkja mig í trúnni.

- Jafnvel vægur ofþurrkur getur hægt á brennslukerfi líkamans um 3%. Vatn er besti megrunardrykkur sem til er.

- Ónóg neysla af vatni, er í FYRSTA SÆTI yfir það sem veldur þreytu yfir daginn.

- Niðurstöður úr könnun nokkurri gefa til kynna að drekki fólk 8-10 glös af vatni yfir daginn geti það létt á bakverkjum og liðaverkjum hjá allt að 80% þeirra sem þjást af þessum verkjum.

- Ef vatnshlutfall í líkamanum minnkar um aðeins 2% getur það valdið lélegu skammtímaminni, erfiðleikum með einfalda stærðfræði og skorti á einbeitingu við lestur á tölvuskjá eða annað prentmál.

- Að drekka 5 glös af vatni á dag dregur um 45% úr áhættu á krabbameini í þörmum auk þess sem það getur dregið allt að 79% úr áhættu á brjóstkrabba og lækkar áhættu karlmanna á blöðruhálskrabbameini um 50%.

Allt of margt af þessu á við mig til þess að maður geti horft fram hjá því.

Oj bara

2007-05-18T19:49:00.001Z

Sunset in the highlands,
originally uploaded by Stebbi Gunn.

Mikið hlýtur að vera ógeðslegt að vera stjórnmálamaður og þurfa að éta ofaní sig skítkast kosningabaráttunnar aðeins nokkrum dögum eftir að glaðhlakkalega og glannalegar athugasemdir um ,,andstæðinga eru allt í einu orðin vandræðaleg ummæli um ,,samstarfsaðila"

Árangur áfram ...?

2007-05-18T14:35:00.001Z

bridge,
originally uploaded by Stebbi Gunn.

Jamm, þannig fór nú það. Ekki höfum við akureyringar góða tilfinningu fyrir samstarfi sjálfstæðisflokks og samfylkingarmanna. Fuss og svei og allir svínbeigðir í duftið. Eins gott að maður hefur um annað að hugsa. Það er sannkallað kóramót um helgina. Ég verð að spila á vortónleikum karlakórs Akureyrar Geysis á laugardagskvöldið og Gospelkór Akureyrar er með lokatónleika vetrarins á sunnudagskvöld. Á mínu heimili er spennan samt mest yfir því hvort tekist hefur að smita Elmar Dag af hlaupabólu, en hún geysar nú alltumkring. Sumarfrí hjá skólafólki heimilisins er yfirvofandi og nýja yfirbreiðslan komin á tjaldvagninn. Stefnir í gott ferðasumar og ekkert stopp.

Síðasti séns

2007-05-12T10:50:00.001Z

Black lava ?,
originally uploaded by Stebbi Gunn.

Í dag kjósúm við nýja ríkisstjórn. Hvort hún skipast á nýjan hátt á eftir að koma í ljós. Ég vil nota þennan síðasta séns til að blogga um pólitík og benda á að í lokaátaki flokkanna til að veiða atkvæði göngugötunni í gær var VG eini flokkurinn sem var með alvöru fanta undir kakóið og vaskaði upp jafnóðum , en ekki plastmál sem síðan fylltu allar tunnur og fuku eins og hráviði um bæinn. Það er ekki nóg að senda manni glansandi fína pappísbæklinga um umhverfisstefnu. Kjósum þá sem láta verkin tala !!

Evróvisjónpartíið sem fór út um þúfur

2007-05-10T21:45:00.001Z

A hotelroom in Helsinki,
originally uploaded by Stebbi Gunn.

Dagurinn var kaldur og napurt að standa úti með málband og rissblað, en það var hlutskipti mitt þar sem ég var að undirbúa skipulagningu á einbýlishúsalóð. Við héldum partý hér heima með snakki og eplasafa, en Elmar Dagur var kominn í bað eftir fimmta lag of Steinar Logi farinn að leika sér. Partíið fór eiginlega út um þúfur, eins og för okkar manna til Helsinki. Ég spilaði í Helsinki fyrir 2 árum og er að fara að spila á torginu hérna heima á morgun. Ekkert gigg á laugardaginn frekar en hjá Eiríki rauða.

Nokkrir góðir dagar

2007-05-02T20:49:00.001Z

The U Project,
originally uploaded by Stebbi Gunn.

Það er búin að vera blíða hér fyrir norðan og lífið er ljúft. Ég náði að gera allnokkurn skurk í klippilistanum mínum og á eiginlega bara eftir að sneiða af ösp fyrir Sverri Pál, en það verður að bíða þar til ég næ í skottið á Hermundi kranabílstjóra.
Spilaði með Sigga Ingimars á lokahófi Hængsmótsins á mánudagskvöld og í Sjallanum í gær. Horfði síðan Liverpool vinna verðskuldaðan sigur í gær og Man. Utd. fara snautlega ferð til Mílanó í kvöld. Gæti ekki verið betra.
Strákarnir eru orðnir útiteknir eftir helgina og komin einhver sumahugur í mann.

Nú er vor í lofti

2007-04-28T15:40:00.001Z

,,Strákarnir okkar",
originally uploaded by Stebbi Gunn.

og af því tilefni fórum við fjölskyldan austur í Mývatnssveit í gær. Borðuðum nesti í Námaskarði, böðuðum okkur í Jarðböðunum og litum við í Neslöndum. Mikið er nú alltaf gott að koma í Neslönd og skammarlegt hvað maður lætur líða langt á milli. Þó gæti orðið nokkur breyting á í sumar ef mér teks að verða að einhverju liði við uppbyggingu fuglasafnsins hans Geira heitins. Þar á eftir að leggja hellur í stétt og hlaða veggi. Annars er ótrúlegt að sjá hvað þetta er langt komið og sannar fyrir manni að vilji er allt sem þarf. Hef verið hugsi um þetta í dag og velti því fyrir mér hvort maður eigi ekki oftar að fylgja því sem hjartað segir manni. Skynsemin getur verið svo fjandi leiðinleg.

Prívatlíf

2007-04-24T10:44:00.000Z

Datt bara allt í einu í hug að meðalmaður eins og ég er nú ekki alveg ótengdur við umheiminn. Ég var að stofna msn og þá telst mér til að hægt sé að ná í mig í heimasíma,GSM,NMT,Í talstöð, í gegnum 3 netföng og á MSN. Hvaðan ætli manni hafi sprottið þessi þörf ?

Röfl um kosningar

2007-04-19T10:52:00.001Z

Self portrait,
originally uploaded by Stebbi Gunn.

Það getur verið erfitt að vera félagshyggjumaður. Félagshyggja snýst nefninlega um einstaklinga og þeir sem vilja að einstaklingurinn blómstri, aðhyllast oftast frjálshyggju í anda Miltons Friedmans. Þar örlar að vísu á mistúlkun. Friedmann var nefninlega ekki að tala um marga blómstrandi þegar hann boðaði frelsið. Til dæmis hefur hann líklega ekki átt við eldri borgara, öryrkja, sjúka á sál eða líkama, eða bara alla þá sem af einhverjum ástæðum þurfa að reiða sig á samfélagið.
Þar komum við að félagshyggjunni, sem snýst um einstaklinga. Við sem erum þeirrar skoðunar að samfélaginu beri að hugsa um þá sem minna mega sín eða eru komnir af vinnumarkaði sökum aldurs eða sjúkdóma erum nefninlega einstaklingshyggjufólk í þeim skilningi að allir einstaklingar eigi jafnan rétt til lífsgæða.
Einstaklingshyggja eins og sjálfstæðismenn praktisera hana snýst um að koma nokkrum einstaklingum á garðann og ofala þá þar til þeir sprengja utanaf sér samfélagsleg höft. Einstaklingshyggja eins og ég sé hana fyrir mér snýst um að koma til móts við einstaklinga hvar sem þeir eru staddir í lífinu og tryggja þeim mannsæmandi aðstæður til þess að láta ljós sitt skína.
Ég ætla bara að vona að kosningaumræða í fjölmiðlum fari að skýra línur í afstöðu flokkanna til fólksins í landinu og hætti að vera þessi ómálefnalegi hanaslagur sem maður er búinn að vera að flygjast með að undanförnu.
Það er með ólíkindum hvað þessir kosningaþættir RUV tildæmis eru illa undirbúnir og á svo margan hátt illa gerðir. Stjórnendur þáttanna og frambjóðendur gjammandi hver ofan í annan og þá sjaldan að upp kemur málefnaleg spurning þá fuðrar hún upp í innantómum galanda sem felur ekkert í sér annað en að halda orðinu svo að aðrir komist ekki að. Það er ekki nema sjálfsögð kurteisi við okkur sem eigum að kjósa þetta fólk til ábyrgðarstarfa að við fáum að vita fyrir hvað það stendur.

Tímamót

2007-04-18T21:20:00.001Z

Flowing water,
originally uploaded by Stebbi Gunn.

Sumardagurinn fyrsti er á morgun og vil ég nota tækifærið og óska öllum sam hingað rata gleðilegs sumars.
Megi hækkandi sól færa ykkur yl í öllum skilningi.

Brú yfir boðaföllin

2007-04-14T21:53:00.001Z

Bridge,
originally uploaded by Stebbi Gunn.

Jæja elsku þrautseigu lesendur. Þá er ég loks farinn að búa hSeima hjá mér aftur og lífið að byrja að komast í eðlilegt horf. Páskarnir liðu með óhóflegri byrtingu dauðasyndanna. Leti, Græðgi, Ofát og munúðarlíferni litu dagsins ljós og gott ef ekki örlaði á ágirnd. Þó létum við vera hroka, reiði og öfund, svona af því að það var hátíð.
Annars er það að frétta að við Kristján erum búnir að ganga frá Færeyjaferðinni og er brottför frá Seyðisfirði 21. júní. Síðan er útlit fyrir að við ragna förum með Giljaskóla til USA á haustdögum og í millitíðinni á að draga tjaldvagninn um gatslitna þjóðvegi landsins.
Sjóvið í Sjallanum er að renna sitt skeið og gospelkórinn fyrirhugar vortónleika um miðjan maí. Það er því að nægu að hyggja meðfram því að vera til og tilheyra fjólskyldu. Síðan reyni ég kannski að vera duglegri að blogga án þess að vera eitthvað að lofa upp í ermina á mér. Sjáum til

strange days

2007-03-28T08:49:00.001Z

God is looking,
originally uploaded by Stebbi Gunn.

Það er vægast sagt allt í botni hjá mér núna og ekki mikill tími til andlegra hnerrakasta hér á síðunni.
Lag vikunar er Secret world með Pétri vini mínum Gabriel, sem á afmæli um þessar mundir en sá ekki ástæðu til að fagna því í kjól í Madison squere garden ...

Dublin

2007-03-20T16:52:00.001Z

Take off,
originally uploaded by Stebbi Gunn.

Við Ragna skruppum um helgina til Dublin og höfðum það gott. Mikið er nauðsynlegt að muna það annað slagið að þó að við séum orðin hjón þá hættum við aldrei að vera kærustupar.
Gleymum ekki að bæta brenni í eldinn...

Kjalvegur

2007-03-14T16:25:00.000Z

Á síðu Akureyrarbæjar má lesa ýmssan fróðleik um hin nýja Kjalveg. Meira að segja það að umferðarslysum muni fækka um 24 á ári. ( hvernig komast menn að svona þvættingi, hámenntaðir) eins er það dásamað hvað vegurinn muni opna reykjarvíkursvæðið fyrir norður - og austurlenskum ,,útflutningi". Kannski er það bara misskilningur hjá mér en yfirleitt hefur það verið þannig að ef opnað er á milli tveggja misstórra markaðssvæða hefur það stærra tilhneigingu til þess að gleypa það minna.
Ekkert er síðan talað um eignarhaldið á landinu, eða þa staðreynd að í stað þess að keyra á fjallvegi u.þ.b. 30 % leiðarinnar Akureyri-Reykjavík er maður u.þ.b. 70% á fjallvegi ( mínar eigin tölur og ekki byggðar á mælingum, mæli þetta seinna í vinnunni) og vegalengdir viðbragðsaðila ef eitthvað kemur uppá. Við fyrsja yfilestur virðist þessi nýja úttekt ekki bæta neinu við fyrri umræðu öðru en að ýta undir málflutning norðanvegsmanna. Þarf að skoða þetta betur

Hvað er kám ??

2007-03-10T23:42:00.000Z

Í ljósi þess að þjóðin er á hliðinni í klámpolli, þá er þetta það sem kemur mér til ...

Skemmtisaga

2007-03-07T16:42:00.000Z

Alltaf gaman að svörtum húmor...

Cyanide & Happiness @ Explosm.net

Góðu fríi að ljúka

2007-03-05T23:08:00.001Z

Polaris xlt 2,
originally uploaded by Stebbi Gunn.

Þá er komið að því að hypja sig suður enn og aftur. Búinn að eiga góða daga hér fyrir norðan og komst meira að segja eina salibunu inn á Glerárdal í gær. Enda eins gott að nota tækifærið, kem ekki heim aftur fyrr en 19 mars, að vísu með stuttu stoppi í Dublin í millitíðinni. Seinna...

Dónalegt er orð dagsins

2007-02-25T21:32:00.001Z

Stebbi Gunn playing his Music Man,
originally uploaded by Stebbi Gunn.

Hin ástsæla hljómsveit Tvö dónaleg haust mun koma saman í vikunni og leika nokkra af sínum lífseigustu slögurum. Viðurður þessi er í beinu framhaldi af gríðarlega vel heppnuðu karlakvöldi sveitarinnar og ekki loku fyrir það skotið að sveitin haldi hljómleika/ball aður en árið er úti. Þess er þó ekki að vænta að sveitin taki aftur til starfa, heldur er aðeins um að ræða viðhald hinnar gríðarlega gefandi vináttu meðlima.
Við þetta má síðan bæta að það er gott að búa á Akureyri, þó hér verði menn að greiða virðisaukaskatt af tráplöntum.

Lo xxx ins myndir

2007-02-22T18:47:00.001Z

Súrmjólk í hádeginu/ Lunch,
originally uploaded by Stebbi Gunn.

Ég gat lo xxx (í tilefni af komandi ráðstefnu) ins komist inn á myndasíðuna mína og er hú nú komin inn undir hlekkin ,,myndir " hér til hliðar. Geta lesendur síðunar því vænst blóma í haga og hrossakjöts í maga.

2-1 fyrir Liverpool

2007-02-21T23:19:00.001Z

The way of the bass is the way of life,
originally uploaded by Stebbi Gunn.

... og ég geng sáttur til náða.
Ég er náttúrulega ekkert búinn að blogga um X factor hneikslið, enda á maður ekki orð yfir golunni í höfðinu á þessari konu að senda Sigga heim, alls óverðskuldað. Það jákvæða í því máli er að nú getur maður hætt að horfa á þættina. Áfram, Siggi !! Annað sem ég hef ekkert bloggað um er gay pride, nei ég meina júróvisjon, en það er af eðlilegum orsökum. Áfram Eiríkur !!
Svo fannst mér við líka standa okkur vel á HM. Áfram Ísland!!